New theme added - daar-o-rasan

Theme for today is Khwaab (dream)

aaNkhoN meN jo bhar loge to kaaNTe se chubhenge
ye Khwaab to palkoN pe sajaane ke liye haiN
[Jan Nissar Akhtar]

Enjoy!

Added two new couplets (ashaar) to Khoo

na dilaasaa na tashaffii na tasalli na wafaa
dostii us but-e-bad_Khoo se nibaaheN kyoNkar
[Daag Dehlvi]

us balaa-e-jaaN se "aatish" dekhiye kyoNkar nibhe
dil siwaa sheeshe se naazuk dil se naazuk Khoo-e-dost
[Haider Ali Aatish]

Interestingly both talk about Khoo (habit) and dostii (friendship)

Added a new theme today - naaseh

A few examples:

naaseh ko bulaao meraa imaan sambhaale
phir dekh liyaa us ne sharaarat kii nazar se
[Hafeez Jallandhari]

ab to har shaam guzaratii hai isii kooche meN
ye nateejaa huaa naaseh tere samajhaane kaa
[Iqbal Sufipuri]

tanz-o-taanaa-o-tohamat sab hunar haiN naaseh ke
aap se ko_ii poochhe ham ne kyaa buraa_ii kii
[Ahmed Faraz]

karnaa hai mujh ko hazrat-e-naaseh se saamanaa
mil jaaye do ghaRii ko tumhaarii nazar mujhe
[Jigar Moradabadi]