sharaab
zaahid sharaab peene de masjid meN baiTh kar
yaa wo jagah bataa jahaaN par Khudaa na ho
[Mirza Ghalib]
go haath ko jumbish nahiiN aaNkhoN meN to dam hai
rahane do abhii saaGar-o-meenaa mere aage
[Mirza Ghalib]
wo cheez jis ke liye ham ko bahisht azeez
siwaaye baadaa-e-gul_faam-e-mushk_boo kyaa hai
[Mirza Ghalib]
piyooN sharaab agar Khum bhii dekh looN do chaar
ye sheeshaa-o-qadah-o-koozaa-o-suboo kya hai
[Mirza Ghalib]
'Ghalib' chuTii sharaab par ab bhii kabhii-kabhii
peetaa hooN roz-e-abr-o-shab-e-maah_taab meN
[Mizar Ghalib]
mujh tak kab un kii bazm meN aataa thaa daur-e-jaam
saaqii ne kuchh milaa na diyaa ho sharaab meN
[Mirza Ghalib]
pilaa de ok se saaqii jo ham se nafarat hai
pyaalaa gar nahiiN detaa na de sharaab to de
[Mirza Ghalib]
[ok = cupped hand]
dekhaa kiye wo mast nigaahoN se baar baar
jab tak sharaab aaye ka_ii daur ho gaye
[Shad Azeemabadi]
gar aag maikashoN kii sazaa hai to yaa Khudaa
dozaKh meN ek nahar bahaa de sharaab kii
[Unknown]
[dozaKh = hell; nahar = canal]
merii sharaab kii kyaa qadr tujh ko ai waa_iz
jise maiN pee ke duaa dooN wo jannatii ho jaaye
[Unknown]
merii tabaahii kaa ilzaam ab sharaab pe hai
maiN aur karataa bhii kyaa tum pe aa rahii thii baat
[Unknown]
sheeshaa rahe baGal meN jaam-e-sharaab lab par
saaqii yahii mazaa hai do din kii zindagii meN
[Unknown]
Gam-e-duniyaa bhii Gam-e-yaar meN shaamil kar lo
nashaa baRhataa hai sharaabeN jo sharaaboN meN mileN
[Ahmed Faraz]
rah ga_ii jaam meN angaRaa_iyaaN leke sharaab
ham se maaNgii na ga_ii un se pilaa_ii na ga_ii
[Unknown]
hijr meN kaif-e-iztaraab na poochh
Khoon-e-dil bhii sharaab honaa thaa
[Majaz]
[hijr = separation; iztaraab = restlessness]
mere ashk bhii haiN is meN ye sharaab ubal na jaaye
meraa jaam chhoone waale teraa haath jal na jaaye
[Anwar Mirzapuri]
rooh kis mast kii pyaasii ga_ii maiKhaane se
mai uRii jaatii hai saaqii tere paimaane se
[Unknown]
na dil meN ko_ii Gam rahe na merii aaNkh nam rahe
har ek dard ko miTaa sharaab laa sharaab de
[Ibrahim Ashk]
yahaaN ko_ii na jee sakaa, na jee sakegaa hosh meN
miTaa de naam hosh kaa, sharaab laa sharaab laa
[Madanpal]
aaye kuchh abr kuchh sharaab aaye
us ke baad aaye jo azaab aaye
[Faiz Ahmed Faiz]
garche ahal-e-sharaab haiN ham log
ye na samajho Kharaab haiN ham log
[Jigar Moradabadi]
tum nahiiN Gam nahiiN sharaab nahiiN
aisii tanhaa_ii kaa jawaab nahiiN
[Saeed Rahi]
chhalak ke kam na ho aisii ko_ii sharaab nahiiN
nigaah-e-nargis-e-r'anaa teraa jawaab nahiiN
[Firaq Gorakhpuri]
yaa wo jagah bataa jahaaN par Khudaa na ho
[Mirza Ghalib]
go haath ko jumbish nahiiN aaNkhoN meN to dam hai
rahane do abhii saaGar-o-meenaa mere aage
[Mirza Ghalib]
wo cheez jis ke liye ham ko bahisht azeez
siwaaye baadaa-e-gul_faam-e-mushk_boo kyaa hai
[Mirza Ghalib]
piyooN sharaab agar Khum bhii dekh looN do chaar
ye sheeshaa-o-qadah-o-koozaa-o-suboo kya hai
[Mirza Ghalib]
'Ghalib' chuTii sharaab par ab bhii kabhii-kabhii
peetaa hooN roz-e-abr-o-shab-e-maah_taab meN
[Mizar Ghalib]
mujh tak kab un kii bazm meN aataa thaa daur-e-jaam
saaqii ne kuchh milaa na diyaa ho sharaab meN
[Mirza Ghalib]
pilaa de ok se saaqii jo ham se nafarat hai
pyaalaa gar nahiiN detaa na de sharaab to de
[Mirza Ghalib]
[ok = cupped hand]
dekhaa kiye wo mast nigaahoN se baar baar
jab tak sharaab aaye ka_ii daur ho gaye
[Shad Azeemabadi]
gar aag maikashoN kii sazaa hai to yaa Khudaa
dozaKh meN ek nahar bahaa de sharaab kii
[Unknown]
[dozaKh = hell; nahar = canal]
merii sharaab kii kyaa qadr tujh ko ai waa_iz
jise maiN pee ke duaa dooN wo jannatii ho jaaye
[Unknown]
merii tabaahii kaa ilzaam ab sharaab pe hai
maiN aur karataa bhii kyaa tum pe aa rahii thii baat
[Unknown]
sheeshaa rahe baGal meN jaam-e-sharaab lab par
saaqii yahii mazaa hai do din kii zindagii meN
[Unknown]
Gam-e-duniyaa bhii Gam-e-yaar meN shaamil kar lo
nashaa baRhataa hai sharaabeN jo sharaaboN meN mileN
[Ahmed Faraz]
rah ga_ii jaam meN angaRaa_iyaaN leke sharaab
ham se maaNgii na ga_ii un se pilaa_ii na ga_ii
[Unknown]
hijr meN kaif-e-iztaraab na poochh
Khoon-e-dil bhii sharaab honaa thaa
[Majaz]
[hijr = separation; iztaraab = restlessness]
mere ashk bhii haiN is meN ye sharaab ubal na jaaye
meraa jaam chhoone waale teraa haath jal na jaaye
[Anwar Mirzapuri]
rooh kis mast kii pyaasii ga_ii maiKhaane se
mai uRii jaatii hai saaqii tere paimaane se
[Unknown]
na dil meN ko_ii Gam rahe na merii aaNkh nam rahe
har ek dard ko miTaa sharaab laa sharaab de
[Ibrahim Ashk]
yahaaN ko_ii na jee sakaa, na jee sakegaa hosh meN
miTaa de naam hosh kaa, sharaab laa sharaab laa
[Madanpal]
aaye kuchh abr kuchh sharaab aaye
us ke baad aaye jo azaab aaye
[Faiz Ahmed Faiz]
garche ahal-e-sharaab haiN ham log
ye na samajho Kharaab haiN ham log
[Jigar Moradabadi]
tum nahiiN Gam nahiiN sharaab nahiiN
aisii tanhaa_ii kaa jawaab nahiiN
[Saeed Rahi]
chhalak ke kam na ho aisii ko_ii sharaab nahiiN
nigaah-e-nargis-e-r'anaa teraa jawaab nahiiN
[Firaq Gorakhpuri]