paan

lagaavaT kii adaa se un kaa kahanaa paan haazir hai
qayaamat hai sitam hai dil fidaa hai jaan haazir hai
[Akbar Allahabadi]

[lagaavaT = affection]

dekhanaa ai "Zauq" hoNge  aaj phir laakhoN ke KhooN
phir jamaayaa us ne laal-e-lab pe laakhaa paan kaa
[Zauq]

[laal-e-lab = ruby red lips]

paan khaane kii adaa ye hai to ik aalam ko
KhooN rulaayegaa merii jaan dahan-e-surKh teraa
[Musaffi]

[aalam = world; dahan = mouth; surKh = red]

chhupaake paan ye kis ke liye lagaate ho
hamaare qatl kaa beeRaa kahiiN uThaate ho
[Unknown (Daag?)]

[qatl = murder; beeRaa = onus/responsibility]