galii
apanii galii meN mujh ko na kar dafn baad-e-qatl
mere pate se Khalq ko kyoN teraa ghar mile
[Mirza Ghalib]
galiyoN merii naash ko kheeNche phiro ki maiN
jaan_daadaa-e-hawaa-e-sar-e-rah_guzaar thaa
[Mirza Ghalib]
haaN wo nahiiN Khudaa_parast jaao wo bewafaa sahii
jis ko ho deen-o-dil azeez us kii galii meN jaaye kyooN
[Mirza Ghalib]
maiN yooN bhii ehtiyaatan us galii se kam guzarataa hooN
ko_ii maasoom kyoN mere liye bad_naam ho jaaye
[Bashir Badr]
ujaale apanii yaadoN ke hamaare saath rahane do
na jaane kis galii meN zindagii kii shaam ho jaaye
[Bashir Badr]
janaazaa rok kar meraa wo is andaaz se bole
galii ham ne kahii thii tum to duniyaa chhoRe jaate ho
[Safi Lucknavi]
maiN ise shoharat kahooN yaa apanii ruswaa_ii kahooN
mujh se pahale us galii meN mere afsaane gaye
[Hari Chand Akhtar]
terii aarazoo terii justajoo meN bhaTak rahaa thaa galii galii
merii daastaaN terii zulf hai jo bikhar bikhar ke saNwar ga_ii
[Bashir Badr]
kuchh yaad kar ke aaNkh se aaNsoo nikal paRe
muddat ke baad guzare jo us galii se ham
[Nawab Saeed]
ham dillii bhii ho aaye haiN laahaur bhii ghoome
ai yaar magar terii galii terii galii hai
[Bashir Badr]
kuchh yaadagar-e-shahar-e-sitamgar hii le chaleN
aaye haiN is galii meN to patthar hii le chaleN
[Nasir Kazmi]
har galii achchhii lagii har ek ghar achchhaa lagaa
wo jo aayaa shahar meN to shahar bhar achchhaa lagaa
[Unknown]
ko_ii aahaT ko_ii aawaaz ko_ii chaap nahiiN
dil kii galiyaaN baRii sunsaan haiN aaye ko_ii
[Parveen Shakir]
ham zamaane meN kuchh aise bhaTake
ab to un kii bhii galii yaad nahiiN
[Unknown]
raat bhar us kii aahaT kaan meN aatii rahii
jhaaNk kar dekhaa galii meN ko_ii bhii aayaa na thaa
[Adeem Hashmi]
aaj junooN ke Dhang naye haiN
teri galii bhii chhooT na jaaye
[Qabil Ajmeri]
tumhaarii galiyoN meN phir rahaa hooN
Khayaal-e-rasm-e-wafaa hai warnaa
maiN apane Gam_Khaanaa-e-junooN meN
tumheN bulaanaa bhii jaanataa hooN
[Qabil Ajmeri]
saaye galii meN jaagate rahate haiN raat bhar
tanhaa_iyoN kii oT se jhaaNkaa na kar mujhe
[Saleem Kausar]
sang-e-tuflaan kii riwaayat ko bhii doharaayaa gayaa
apanii galiyoN meN mujh ko ajanabii karane ke baad
saaNs lene kaa takalluf hii to baaqii rah gayaa
roz-marraa ki zaroorat meN kamii karane ke baad
[Saleem Kausar]
ye kooche ye neelaam_ghar dil_kashii ke
ye luTate hue kaarawaaN zindagii ke
kahaaN hai kahaaN hai muhaafiz Khudii ke
sanaa Khwaan-e-taqdiis-e-mashriq kahaaN hai
ye pur_peNch galiyaaN ye beKhwaab baazaar
ye gum_naam raahii ye sikkoN kii jhankaar
ye ismat ke saude ye saudoN pe takaraar
sanaa Khwaan-e-taqdiis-e-mashriq kahaaN hai
ta'ffun se pur_neem roshan ye galiyaaN
ye masalii hu_ii adh khulii zard kaliyaaN
ye bikatii hu_ii khokalii rang-raliyaaN
sanaa Khwaan-e-taqdiis-e-mashriq kahaaN hai
zaraa mulk ke rahbaroN ko bulaao
ye galiyaaN ye kooche ye manzar dikhaao
sanaa Khwaan-e-taqdiis-e-mashriq ko laao
sanaa Khwaan-e-taqdiis-e-mashriq kahaaN hai
[Sahir Ludhianvi]
mere pate se Khalq ko kyoN teraa ghar mile
[Mirza Ghalib]
galiyoN merii naash ko kheeNche phiro ki maiN
jaan_daadaa-e-hawaa-e-sar-e-rah_guzaar thaa
[Mirza Ghalib]
haaN wo nahiiN Khudaa_parast jaao wo bewafaa sahii
jis ko ho deen-o-dil azeez us kii galii meN jaaye kyooN
[Mirza Ghalib]
maiN yooN bhii ehtiyaatan us galii se kam guzarataa hooN
ko_ii maasoom kyoN mere liye bad_naam ho jaaye
[Bashir Badr]
ujaale apanii yaadoN ke hamaare saath rahane do
na jaane kis galii meN zindagii kii shaam ho jaaye
[Bashir Badr]
janaazaa rok kar meraa wo is andaaz se bole
galii ham ne kahii thii tum to duniyaa chhoRe jaate ho
[Safi Lucknavi]
maiN ise shoharat kahooN yaa apanii ruswaa_ii kahooN
mujh se pahale us galii meN mere afsaane gaye
[Hari Chand Akhtar]
terii aarazoo terii justajoo meN bhaTak rahaa thaa galii galii
merii daastaaN terii zulf hai jo bikhar bikhar ke saNwar ga_ii
[Bashir Badr]
kuchh yaad kar ke aaNkh se aaNsoo nikal paRe
muddat ke baad guzare jo us galii se ham
[Nawab Saeed]
ham dillii bhii ho aaye haiN laahaur bhii ghoome
ai yaar magar terii galii terii galii hai
[Bashir Badr]
kuchh yaadagar-e-shahar-e-sitamgar hii le chaleN
aaye haiN is galii meN to patthar hii le chaleN
[Nasir Kazmi]
har galii achchhii lagii har ek ghar achchhaa lagaa
wo jo aayaa shahar meN to shahar bhar achchhaa lagaa
[Unknown]
ko_ii aahaT ko_ii aawaaz ko_ii chaap nahiiN
dil kii galiyaaN baRii sunsaan haiN aaye ko_ii
[Parveen Shakir]
ham zamaane meN kuchh aise bhaTake
ab to un kii bhii galii yaad nahiiN
[Unknown]
raat bhar us kii aahaT kaan meN aatii rahii
jhaaNk kar dekhaa galii meN ko_ii bhii aayaa na thaa
[Adeem Hashmi]
aaj junooN ke Dhang naye haiN
teri galii bhii chhooT na jaaye
[Qabil Ajmeri]
tumhaarii galiyoN meN phir rahaa hooN
Khayaal-e-rasm-e-wafaa hai warnaa
maiN apane Gam_Khaanaa-e-junooN meN
tumheN bulaanaa bhii jaanataa hooN
[Qabil Ajmeri]
saaye galii meN jaagate rahate haiN raat bhar
tanhaa_iyoN kii oT se jhaaNkaa na kar mujhe
[Saleem Kausar]
sang-e-tuflaan kii riwaayat ko bhii doharaayaa gayaa
apanii galiyoN meN mujh ko ajanabii karane ke baad
saaNs lene kaa takalluf hii to baaqii rah gayaa
roz-marraa ki zaroorat meN kamii karane ke baad
[Saleem Kausar]
ye kooche ye neelaam_ghar dil_kashii ke
ye luTate hue kaarawaaN zindagii ke
kahaaN hai kahaaN hai muhaafiz Khudii ke
sanaa Khwaan-e-taqdiis-e-mashriq kahaaN hai
ye pur_peNch galiyaaN ye beKhwaab baazaar
ye gum_naam raahii ye sikkoN kii jhankaar
ye ismat ke saude ye saudoN pe takaraar
sanaa Khwaan-e-taqdiis-e-mashriq kahaaN hai
ta'ffun se pur_neem roshan ye galiyaaN
ye masalii hu_ii adh khulii zard kaliyaaN
ye bikatii hu_ii khokalii rang-raliyaaN
sanaa Khwaan-e-taqdiis-e-mashriq kahaaN hai
zaraa mulk ke rahbaroN ko bulaao
ye galiyaaN ye kooche ye manzar dikhaao
sanaa Khwaan-e-taqdiis-e-mashriq ko laao
sanaa Khwaan-e-taqdiis-e-mashriq kahaaN hai
[Sahir Ludhianvi]