gaam
raah-e-wafaa meN ham ko Khushii kii talaash thii
do gaam hii chale the ke har gaam ro paRe
[Sudarshan Faakir]
[raah-e-vafaa = path of faithfulness; talaash = search]
ai jazbaa-e-dil gar maiN chaahooN har cheez muqaabil aa jaaye
manzil ke liye do gaam chalooN aur saamane manzil aa jaaye
[Behzad Lucknawi]
manzil ke liye do gaam to kyaa ik gaam bhii chal kar na jaa_ooN
jab Khwaahish-e-manzil paidaa ho Khud saamane manzil aa jaaye
[Unknown]
har gaam par hai majamaa-e-ushshaaq muntazir
maqtal kii raah milatii hai koo-e-habiib se
[Sahir Ludhianvi]
[majamaa = crowd; ushshaaq = plural of aashiq (lover)]
[muntazir = waiting; maqtal = place of sacrifice]
[raah = path ; koo = street; habiib = friend]
ham ne har gaam pe sajdoN ke jalaaye haiN charaaG
ab terii rah_guzar rah_guzar lagatii hai
[Jan Nissar Akhtar]
kabhii taqdiir kaa maatam kabhii duniyaaa kaa gilaa
manzil-e-ishq meN har gaam pe ronaa aayaa
[Shakeel Badayuni]
is raah-e-muhabbat meN tuu saath agar hotaa
har gaam pe gul khilate Khushboo kaa safar hotaa
[Alam Tab Tashna]
jin ke liye mar bhii gaye ham
wo chal kar do gaam na aaye
[Jigar Moradabadi]
apane hii saaye se har gaam laraz jaataa hooN
raaste meN ko_ii deewaar khaRii ho jaise
[Ahmed Faraz]
junooN kii ko_ii maNzil hii nahiiN hai
yahaaN har gaam gaam-e-awwalii hai
[Shamim Jaipuri]
do gaam hii chale the ke har gaam ro paRe
[Sudarshan Faakir]
[raah-e-vafaa = path of faithfulness; talaash = search]
ai jazbaa-e-dil gar maiN chaahooN har cheez muqaabil aa jaaye
manzil ke liye do gaam chalooN aur saamane manzil aa jaaye
[Behzad Lucknawi]
manzil ke liye do gaam to kyaa ik gaam bhii chal kar na jaa_ooN
jab Khwaahish-e-manzil paidaa ho Khud saamane manzil aa jaaye
[Unknown]
har gaam par hai majamaa-e-ushshaaq muntazir
maqtal kii raah milatii hai koo-e-habiib se
[Sahir Ludhianvi]
[majamaa = crowd; ushshaaq = plural of aashiq (lover)]
[muntazir = waiting; maqtal = place of sacrifice]
[raah = path ; koo = street; habiib = friend]
ham ne har gaam pe sajdoN ke jalaaye haiN charaaG
ab terii rah_guzar rah_guzar lagatii hai
[Jan Nissar Akhtar]
kabhii taqdiir kaa maatam kabhii duniyaaa kaa gilaa
manzil-e-ishq meN har gaam pe ronaa aayaa
[Shakeel Badayuni]
is raah-e-muhabbat meN tuu saath agar hotaa
har gaam pe gul khilate Khushboo kaa safar hotaa
[Alam Tab Tashna]
jin ke liye mar bhii gaye ham
wo chal kar do gaam na aaye
[Jigar Moradabadi]
apane hii saaye se har gaam laraz jaataa hooN
raaste meN ko_ii deewaar khaRii ho jaise
[Ahmed Faraz]
junooN kii ko_ii maNzil hii nahiiN hai
yahaaN har gaam gaam-e-awwalii hai
[Shamim Jaipuri]